मराठी अनुवाद: वसुधा सहस्रबुद्धे
” चॅटिंग करता करता दोन तास झाले !’
” तुझ्याशी बोलताना मी दुसऱ्या जगात जाऊन पोहोचतो. असं वाटतं तुझी चिप बनवावी आणि डोक्यात बसवावी. इच्छा झाली की चिप ऑन
आणि चॅट सुरु. “
“चिप बनवून बसवायला हरकत नाही पण आज स्टाफरूममध्ये माझ्याकडे जसं निरखून बघत होता ना तसं मात्र प्लिज बघू नका . माझ्या छातीत धडधडतं !
” बाप रे ! इतक्या कठीण आयुष्यात इतका कोमल अनुभव! म्हणूनच तू सगळ्यांपेक्षा वेगळी आहेस ! “
“आता फोन ठेवा “
” नाही , तू ठेव.”
” का ?’
” तुझ्यापासून दूर झाल्यावर असं वाटतं माझा जीव जाईल !आता असं तुकड्यातुकड्यात नाही ,मला तू पूर्ण हवी आहेस .”
“नाही! नाही ! हे फक्त प्लॅटोनिक प्रेम असेल ! अगदी पवित्र …. मैत्री वजा प्रेम !”
” इतकी जवळीक झाल्यावर असं दूर राहणं चांगलं आहे ?”
“हेच बरोबर आहे , तुझं लग्न झालं आहे.”
” नाही, बघ एक दिवस मला हवं तेच होईल. “
” नाही ,तुझं लग्न झालं आहे.”
” मग काय झालं ? तू फक्त माझ्यासाठी आहेस “
” … आणि तू ?”
” …. “
” बोल ना !”
” काय बोलू , तुला तर सगळं माहिती आहे.’
” तू इतका वेळ चॅट करतोस ,तुझी पत्नी काही बोलत नाही ?”
” ती तर झोपली . “
” तिला आपल्याबद्दल सगळं सांगितलं आहेस ? “
” नाही तर ! कोणाला काही सांगायला आपल्यामध्ये काय आहे ? “
त्यानंतर कधी चॅट होऊ शकलं नाही. चिप करप्ट झाली होती .
-0-
